Ытык-Күөл эдэр ийэлэрэ мусталлар

Ытык-Күөл Сарыал култуура киинигэр көхтөөх эдэр ийэлэр бырааһынньыктааҕы көрсүһүүлэрэ буолан ааста. Нэһилиэк эдэр ийэлэрэ түмсэн кулууп тэрийбиттэрэ номнуо 2 сыл буолла. Кулуупка араас идэлээх интэриэстээх Тааттаттан араас улуустартан куораттартан төрүттээх эдэркээн кийиит кыргыттар киирэллэр. Кинилэр нэһилиэк общественнай олоҕор актыыбынайдык кытталлар. Ааспыт Манчаары оонньууларыгар дэриэбинэ ис бараанын тупсарыыга үгүс кылааттарын киллэрэн нэһилиэнньэҕэ үтүө холобур көрдөрбүттэрэ. Саха Өрөспүүбүлүкэтигэр биллэриллибит Ийэ күнүн баттаһа олус интэриэһинэй көрсүһүүнү тэрийэн ыыттылар. Манна визажист Наталья Антоева сэбэрэни тупсарыыга маастар кылаас ыытта. Психологтар Айталина Филиппова араас уйулҕа оонньууларын Ольга Терякова метафорическай хаарта нөҥүө санааны бэрээдэктээһини оҥордо.,